Shin ah link ung ka noh hteit ne ng'äi ngai vä.

http://www.reverbnation.com/tunepak/1742096

"K’cho Kho"

K’cho kho cä pupa ng’len om naak, K’cho kho mi ng’tüi sho naak k’cho kho, K’cho kho zuu hlak lung k’koh naak man, ngawn shep ne ei awk naak.

Aw .. K’cho kho kei kä ka ning mhih khai, K’cho kho shing ghing la m’htai ghing gui, K’cho kho m’shaakpai tuili khui ah khei kiawm gui a pai naak kho.

CHO: K’cho kho kä ning nawng taak vai nei, K’cho kho na ng’phya khui na thup ä, ka lam hteh naak ka lu ka ng’khum naak k’cho kho, ka ning m’hnii ci k’cho kho.

M’va kho ahei täng ah ka hteh ung phi, maangim ung maang ei gui ka ei ung phi, K’choim k’cho lo ah om ih man, ning shüm ba ng’mang güt ta.

Aw … K’cho k’chang K’cho kho kä nawng düt ä, khawh cham ngui khei kä om hlei phi, m’lungsin bumhla ng’muncha pe düt k’thaa naak vai k’cho kho hmawk.

K’cho kho k’cho k’chang van mi hmawk ka, K’cho kho lang ng’äi phi na m’cu tuä, K’cho kho k’cho k’chang hlüngtai naak vai, na k’khai ne na m’thei tuä.

Aw … K’cho k’chang na ng’tüi shawn na m’htei tuä, ng’khot naak tuigei a lawn naak kho, ei cawi tuigha kä a om naak, hlim tui naak k’cho kho.

''Bi Bi Vai''

K'chohta chang gui kho thai lawk ci tho let vä, bi bi vai (2vei). Bi bi ki naw abi bi phi m'htei pii hlä, k'thaa na hlä (2vei). Kyawng kai ki naw akyawng kai phi k'thaa na hlä, m'htei pii hlä (2vei). Likha gui phi m'tung ba ghawp ne phäi nau van ah phyawn gai naak ai k'tai gü uä (2vei). Likhim gui phi m'htei ba pii ne chang naw kä a na k'she kha nak vai, ng'ngaih na uä (2vei). Om ih nii cu hmat tu vai ah ng'theithang uä, k'thaa na uä (2vei). Hnuh naak hmat naak shui yap yawp ne k'cho kho hmawk ka ng'düi tho ät ne, bi bi vai (2vei).

CHO: K’cho k’chang gui phäh mi bi vai daa ki, k’cho kho mi hmawk ka, hnuh naak hmat naak shui ne k’chang mi k’pha tu vai hmawk ka. Aw … k’chohta k’chang gui ng’düi law vä (ng’khawt ng’sheng naak lam pyan vai). Mi ng’thu phi kä maik düt hlä (ng’thu kä maik düt hlä oh … yeh). M’lungät ng’ngaih täng yawp hlei k’cho kho hmawk mi bi khai. Ng’kheng ng’khoi naak phi maik yawp hlä, mi k’thaa na pii khai.

"Khonu M’htung"

M’dek khan kho m’htung gui nü ah ang ng’ming thang ci khonu m’htung, k’cho kho m’kiawm caa k’cho kho m’htung ah na kiak ci. Vabawk, lung m’düm lah m’shaakpai khei kiawm gui nü ah pying naak, k’cho kho m’kiawm hlak ci khonu m’htung.

CHO: Hei m’tu m’täng vai ng’mang thang naak, ang ng’ming thang ne kiawm pii ci, mün, m’kang, k’cho, m’va k’chang gui ng’nü naw ghü ci gui. Kho m’dek khan ah ak kiawm pii k’chang gui ng’ming ah ng’len om naak, na kiawm ci nei aw, khonu m’htung.

Kho m’htung khan ah ng’dang hnaa hlei,dang yawp ci nei mi k’cho kho, Hakha, Tedim, Falam lah Thantlang, Tonzang. Kanpetlet lah Paletwa, Matupi, Mindat güt ta, k’cho kho m’kiawm hlak ci khonu m’htung.

Mi ng’tüi naak mi k’cho kho ah, ng’khawt ng’sheng naak lah diim gei naak, hnuh naak hmat naak gui naw lo mi bi khai ah, kho m’htung päng ah gui guk naak, diim laih laih ci mi k’cho kho, k’cho kho m’kiawm hlak ci khonu m’htung.