Shin ah lawngmen website cu tuhbäik updat bi ba pyi ah kia ci. A cun ah update ba naak ba ung ng'äi gui, Video gui lah website design gui avan pyan bai pyi ah kia ci nei. Shin ah lawngmen website ung nami om law tu ci ah k'chohta chang van cu yei kiai naak kah m'lung awn nami hteh ba vai lah ngawi ah chüt hleih lawngmen website cu nami yum m'hnii hnii khai ah yum naak om ci nei. Bi ba ah update gui a khan a phi nami ng'ngaih nii gui awn nami khap law tu ba vai ning ng'ngaihu gui nei. K'cho ng'äi gui avan Ca awn guk ne taih yawp hning vai a phi bü naak a om ah hlo ah a pii hti ah guk ne taih pyi gui phi om ci nei. K'cho kho video gui phi ak daa taih law hning vai ah k'thaa naak vai nei. K'cho ca guk naak ung a hmaa kaat naak a om ung phi na hmat tu pe u ne, na m'thein m'kan law tu ba vä. Maa lam ah shin a tah ni kiawm pii hleih bi lawh naak hning vai a phi na ng'lung laak püi ne, nami a bi lawh püi vai ci k'chohta van ka ning k'chü phong tu gui hlük ci nei. K'cho kho, m'va kho ah om ci ah k'chohta chang gui lah ak k'pung kho hei yung ah om tu ci ah k'chohta chang van noh hnuh hmat naak ung lam naa mi na m'shüm tu vai ah ning ng'ngaih u gui nei. Van nami bä ni.