Shin ah monglam maa ne guk naak ung m'va a coyah naw gukthen hnuh hmat k'chang gui ng'thu kä ami pien ba vai ah ami ng'düüm hlak gui ci ne guk te, Cun ah ami ng'düüm hlak gui kiäm ah kä kia ne ami mät K'Cho kho ah ami hteh htawn tu vai ah kä ng'shawng u ne nei ci ah a cun ah monglam täng paang ci gui ah k'cho k'hmow thow gui naw pien ba ci gui.

A shin ah monglam pien hla law hti ci ah Maung Küi Om naw a m'chäh law naak ka email ung  ''Shum kyam naak vai ami ng'nüt naak ung gukthen hnuh hmat k'chang gui kä ng'shawng ne, kä ng'hlawi hleih kho hnüüp m'shaawt ba ci gui. Cun te a shin ah k'cha hnüüp (20) hnüüp kä hei khe en hleih bi hlawt vai läi ah ဦးထြန္းလြင္(မိုးဇလ) lah ahei gukthen hnuh hmat k'chang gui k'chü gui hning vai ah Ng'Ling Küi naw k'thaa na yah ci nei.'' ci ne pien ci.

Mindat ah ami shum kyam naak vai ah kho hnüüp ami hei m'shaawt ba kawn ah, Mindat ah ami shum kyam naak vai hnüüp M'Hno k'cha hnüüp (5) hnüüp ung Yangon ah Mindat lah Kanpetlett ung om ci ah K'Cho k'chang gui ng'hnu ne kawng ät naak vai ah monglam ami pien vai om ki ci cun phi k'cho news ung a cun ah monglam ung shum kyam pien hla tu khai naw taih law ba ci.

A shin ah monglam gui awn ng'awih ng'pak ci ah ng'thu k'thang gui cu ng'däih ne update bi law ba vai kia hleih ana ng'ngai tu ba vä.

Yangon ah K'Chohta gui ami ng'hnuh law ung i pien khai gui ang?

Ahei yung ah om ci ah K'Chohta gui naw mä i ah ami ng'ngah tüh om ci ang?

Maa lam ah i hawi ami bü naak lah ami bii lawh hlü ah mamong om ci ang?

Ci ah amonglam gui cu ng'däih ne hmat hning vai ah k'thaa na ne update bi law ba vai nei.

Ng'Thu Phlan ci: Lawngmen

Source                : K'Cho News and Media, email