Lawngmen website noh zei kiai ne ning na güng gui ci nei

Sin ah Lawngmen internet webpage cu ca guk-hten zum ci ah k'chotha chang gui, k'cho ng'äi k'cho ca zum m'hnii ci ah k'chotha chang gui van noh k'cho ca, k'cho htung, k'cho ng'äingom gui cu ng'ngaih nak htei ah lam phäh phäh ung ka noh pien hla ne k'cho ca lah k'cho pakhui a hlüng taai law nak vai lam sui nak vai ah kia ci. K'chotha chang gui tumat lah tumat a sin ah web page ung ka noh ng'hnu ng'hmat  ne ng'gei nak awn ät nak m'khän u ne tah hnuhmat bä m'chüt nak ung hlüng taai ne ng'äi om guk hten nak ung ng'ming htang ci ah k'chotha chang gui  ami däm da law tu hning vai cu sin ah Lawngmen webpage ah bü nak ah ng'mung mang k'nii ah kia ci.  

Sin ah webpage ung k'chotha gui naw ami htuk tu pyi ah k'cho ng'äi gui, video gui lah poems gui cu ng'taih ci nei. Hlang kho ah gawk tu ci gui ah k'chotha chang gui a van noh k'cho ca hmat ne, k'cho pakhui süm ne, bä mang htanghtat ci ah k'chotha chang gui a däm da law nak tu hning vai ah lam cu, mät ah m'chüt näing nak tu phäh phäh ung ka noh mi bi law tu kom u ci ne, m'sin ui ung ka naw lawk ci ah m'lung ng'ngaih ka ning m'chäh tu gui hlük ci.

Bü naak

1. K'chohta van noh k'cho pakhui ng'shawn om law naak ah mong lam shui lei hnuh-hmat vai.

2. K'chohta gui van noh k'cho ca k'cho ng'thu kä chük maik en ne ngawi ä khäng htek hleih mi htung mang hning vai.

3. K'chohta gui noh k'cho ng'thu k'cho thung ung va ng'yung ne k'cho kho, k'chohta ah ng'ming thang hlak khai ah film video gui lah ng'äi music gui ami pyan htam law tu hning vai.

4. Khaw m'dek khan k'chang van awn ng'hnu-hmat naak hning vai ah computer van noh a htung mang law tu hning vai. (a htung mang law tu thei vai).

5. K'cho thung gui kä ah chük maik vai ah video gui awn record bi ne ngawi ah hta ng'shawn gui ung va chüt hleih k'cho ah ng'shawn phung noh k'cho a mong a hmat vai ah pyan htam htin kiawng hning vai.

Lawngmen Media

http://www.lawngmen.com/